Momarundu’ỹ oikóva ha oiko’ỹva jehecha añetépa COVID-19 aja América Latina ha el Caribe-pe (15 jasykõi guive 14 jasyapy 2021 peve)

Porandu oikovéva

 

Noḡuahẽi chéve mba’éve mbo’esyrýgui nei añemboheraguapy

• Ñepyrũhame, emaña ne ñandutiveve ytýpe/spam. Mbo’esyry marandu oḡuahẽro ndéve ñandutiveve ytýpe embojoajuva’erã journalismcourse@austin.utexas.edu neirũ apytépe. Desirée Esquivel mbo’esyry pytyvõhára ñandutiveve embojoajuva’erã avei, desiree.esquivel.almada@gmail.com.

¿Nachemandu’airõ téra aiporúva térã che ñe’ẽñemi mba’e ajapova’erã?

• Reikeva’erã kccourses.org ha eñatoĩ pe “¿Remokañy ne ñe’ẽñemi?” ha ejapo heiháicha ndéve eguereko haḡua marandu. Nemandu’ava’erã ñandutiveve téra nde réra emboguapyhaguéicha ñepyrũme. Eguerahauka ñandutiveve desiree.esquivel.almada@gmail.com -pe ndikatuirõ eguereko jevy marandu.

¿Araka’e temimbo’e ojotopáta ko mbo’esyryrã?

• Araka’eve. Mbo’epy ndoikói aravoteepe térã oñondive. Ko mbo’esyry niko asincrónico (ndoikói ha’etévape). Temimbo’e ikatu oñemoarandu ikatuháicha. Mbo’esyry oñemboja’o pehẽngue arapokõindy jave. Marandu ha ñe’ẽ ñorairõ oñemoḡuahẽva’erã hi árape.

¿Mba’e ajapova’erã mayma pehẽnguépe?

• Mbo’ehára ome’ẽta marandu mayma pehẽnguépe ḡuarã. Arapokõindy pyahúpe oĩta marandu nemomaiteíva pehẽngue-pe ha he’íta rejapova’erã. Ko’ávã mba’e katuete nerembiaporã pehẽnguépe:

1. Remoñe’ẽ marandu pehẽngueguáva.
2. Eñemoarandu ta’ãngamýire.
3. Emoñe’ẽ mba’ejepururã/links/vorejehai.
4. Arapokõindy opa mboyve reikeva’erã ñe’ẽ ñorairõme.
5. Embohovái porandu pehẽngueguáva. Mayma pehẽngue oguereko peteĩ porandu. Peteĩ aravópe rembohovái va’erã. Ikatu reguerahauka ikatuháicha. Ikytã hetavévante ojeporúta.

¿Araka’e peve mbo’esyry jepururã oĩta temimbo’epe ḡuarã?

• Mba’eporurã oĩta mbo’esyry opahápeve. Mbo’esyry oñembotýta mokõi arapokõindy rire. Mbo’esyry oñemboty rire, naiporivéima mba’eporurã. Rehai’ãngava’erã links kuéra ha remboguejy mba’eporurã pya’eháicha. Oñemboty rire mbo’esyry, opytáma péicha.

¿Mba’éicha ikatu aikundaha mbo’esyry rendápe?

• Ore rendápe ndahasyiete oñekundaha. Oĩ kuatiarogue ikatuhápe rehecha ñepyrũmby ha irundy pehẽnguenguéra. Ikatu reñatoĩ pe ñepyrũmbýpe mayma pehẽnguépe (1- 4) rehecha haḡua. Ipype ikatu reikundaha pe “Salta a ” oĩva kuatiaroguevyetépe térã hu’y uperireguáva. Kuatiaroguépe yvate ijasú gotyo ikatu reikundaha michiveháicha. Upégui ikatúta reho tapykue gotyo, oñepyrũhameve.

¿Mba’éicha aikuaáta mba’épepa aime raka’e?

• Kóicha ikatúta rehecha mbo’esyry pegua:

1. 1. Emaña reimépa kuatia rogue mbo’esyryguávape ani kuatiarogue tuichaháichápe. Emoñepyrũ ha eike kuatiarogue mbo’esyrýguávape ha rehecháta mbo’esyry pehẽngue.
   2. Eñatoĩ “Ver perfil” nde réra guýpe oĩva yvate akatúa gotyo.
   3. Eiporavo tendayke oñembotyramõva “Curso”. Eñatoĩ mbo’esyry réra reikuaasévare.
   4. Eiporavo tendayke oñembotyramõva “Más”. Rehecha ojehupíva térã ambue foropegua, eñatoĩ marandu foropeguáva térã foro ñe’ẽñorairõ.
   5. Marandu rehegua rehecha haḡua, eñatoĩ Calificación oĩva “Informes” rérape.
   6. Rehecha haḡua repu’ãpa, eheka pore jehechaha oĩva tembiapo ykére rejapóvove. Ikatu ha’e aranduchauka ha eñehepyme’ẽ upévare térã reike ñe’ẽ ñorairõme fórope.

¿Mba’éicha ikatu asẽ mbo’esyrýgui?

• Resẽhaḡua, eñatoĩ ha emyenyhẽ kuatia rogue etopátava. Reñeḡuenohẽta ohasavo peteĩ térã mokõi ára rire. Ne apañuairõ ehai Desirée Esquivel-pe desiree.esquivel.almada@gmail.com pe.

Kuatia atã eguereko haḡua mba’épa oñeikotevẽ

• Ikatu haḡua tapicha ojeiporavo orekóvo kuatia atã oikotevẽ:

1. Ohendu ta’ãngamýi ha omoñe’ẽ arapokõindýpe oikóva.
2. Omyenyhẽ porandu arapokõindýpe ha ohupyty va’erã michiveháicha 70 % (Ikatuháicha ombohovái. Ojeporúta ikytã yvatevévante).
3. Ombohovái térã omoñe’ẽ ñorairõ michiverõ peteĩ arapokõindy javeve.

Mba’éicha ojehecháta

• Jehecha imbegue. Ikatu ohasa heta ára rohechapa haḡua, katu reñemomarandúta pya’eveháicha rehupytýpa oñeikotevẽva kuatia atã reguereko haḡua.

Kuatia atã ñemboguejy

• Centro Knight ndoguerahakái umíva. Yvypóra ijehegui ojapo va’erã.

¿ Mba’e ikatu ajapo che tapykuerõ mbo’esyrýpe?

• Katuete ikatúta reime porã. Árakuéra ndaha’éi hatãva. Ikaturõ rejapo va’erã tembiapo ani haḡua nde tapykue, katu oikorõ, NDAIPÓRI MBA’EVE VAI. Ejapopa tembiapokuéra pehẽnguepegua ikatúvo. Emoñe’ẽ marandu reikuaávo nerembiaporã.

Mbo’esyry pytyvõhárandi mba’éicha ikatu reñe’ẽ

• Mbo’esyry pytyvõhára ombohovái haḡua ndéve ne ñandutiveve kuéra avei porandukuéra mbo’esyryregua peteĩ térã mokõi árape, ikatu ipukuve avei. Ne py’amokõirõ ko kuatia roguépe oĩvare, eikuaauka fórope porandu eguerekóva mbo’esyry reguáva. Remba’e poranduseverõ eguerahauka ñandutiveve mbo’esyry pytyvõhárape , Desirée Esquivel, desiree.esquivel.almada@gmail.com.
• Oregueroikéke neirũ apytépe oḡuahẽ haḡua ndéve ore ñandutiveve, ani oike ñandutiveve yty apytépe: desiree.esquivel.almada@gmail.com ha jounalismcourses@austin.texas.edu.
• Eikuaaka ne porandukuéra foro oĩvape, ikatu nande añói reikua’ỹva. Péicha hetave tapicha oikuaáta avei.